“Турксой” ташкилотининг бош котиби Султан Раев жаноблари Ўзбекистонга ташриф буюрди. Ташриф доирасида Тошкент давлат шарқшунослик университетида “Турксой” ташкилотининг бош котиби Султан Раев жаноблари Фарғона вилоят ҳокими ўринбосари Хуршиджон Аҳмедов ҳамда университет вакиллари билан учрашди. Учрашув давомида университет ва ташкилот ўртасидаги ҳамкорликни ва Фарғона вилоятида бўлиб ўтадиган илмий-амалий ҳалқаро анжуманларни янада ривожлантириш юзасидан таклифлар ўрганилди.
Шунингдек, жорий йилда университетда Турксой ташкилоти томонидан “ТУРКСОЙ” хонасини очиш масаласи ҳам кўриб чиқилди.
