Ўзбекистон Республикаси Президентининг 2022 йил 1 августда қабул қилинган «Туркий давлатлар билан туризм соҳасидаги ҳамкорликни жадал ривожлантириш чора-тадбирлари тўғрисида»ги қарорида белгиланган вазифаларни амалга ошириш учун Қўқон шаҳрида нуфузли анжуманларга тайёргарлик ишлари кенг кўламда олиб борилмоқда.
Шаҳар кўчаларига катта ўлчамдаги замонавий мониторлар ўрнатилди. Бу мониторлар шаҳарда ўтказиладиган маданий тадбирларни тўғридан-тўғри намойиш этибгина қолмай, Қўқоннинг қадимги маданияти ҳамда тарихини кенг тарғиб қилади.
Таниқли фотограф Муқимжон Қодиров Қўқон шаҳрида бўлиб, анжуманга тайёргарлик ишларини фотокамера объектига муҳрлади.
