Ўзбекистон Республикаси Президентининг 2023 йил 31 август кунги “Озодликдан маҳрум этиш жазосини ўтаётган, қилмишига чин кўнгилдан пушаймон бўлган ва тузалиш йўлига қатъий ўтган бир гуруҳ шахсларни авф этиш тўғрисида”ги ПФ-154-фармонига асосан бувайдалик икки нафар фуқаро авф этилди ва озодликка чиқарилди.
Улар орасида Инғирчоқ МФЙ Инғирчоқ қишлоғида истиқомат қилувчи Ашуров Умиджон Шамсиддин ўғли ҳам бўлиб, у 2019 йил 18 ноябрь куни Фарғона вилояти судининг қарорига асосан ЖКнинг 244/1 моддасига билан 6 йил муддатга озодликдан маҳрум этилган эди.
Умиджоннинг ижтимоий мослашувига кўмаклашиш, ҳаётини тўғри йўлга солиш, фойдали меҳнатга жалб қилиш мақсадида туман хокимлиги Ижтимоий кўникма маркази раҳбари Д. Ҳайдарова, Дин ишлари бўйича қўмитанинг Бувайда тумани бўлими бош мутахассиси Ф. Жўраев, Инғирчоқ МФЙ раиси К. Шербоев, Инғирчоқ МФЙ ёшлар етакчиси А. Мелиқўзиевлар хонадонига тарғибот ва тушунтирув ишлари олиб боришди.
Эндигина 27 ёшга кирган, 2 нафар фарзанди бор Умиджон бошидан ўтган воқеалардан хулоса чиқариб, келгуси ҳаётини тўғри йўлга солиши, ҳалол меҳнат билан фарзандларига яхши тарбия беришини тилаймиз.
